Աշխարհում ամենածանր կինն իր մարմնով զարմիկին ճզմելուց հետո հինգ տարում կարողացել է 272 կգ-ով նիհարել:
2008 թ. Մայրա Ռոսալեսը մեղադրվել է զարմիկին 454-կիլոգրամանոց մարմնով ճզմելու մեջ: Երկու տարեկան երեխան մահացել էր այն բանից հետո, երբ հորաքույրն ընկել էր նրա վրա: Հետագայում դատարանը նրան անմեղ էր ճանաչել:
Ողբերգական այդ դեպքից հետո 32-ամյա Մայրան սկսել է սեփական կյանքի համար դաժան պայքարը: Վերջերս նա հանդիպել է լրագրողների հետ և ցույց տվել, թե իր կյանքը սպանությունից հետո ինչքան է փոխվել:
544 կգ կշռող Մայրային շինարարները կարողացել են տանից դուրս բերել պատը քանդելուց հետո, իսկ բժիշկները նրան հիվանդանոց տեղափոխելիս հայտնել են, որ եթե նա չնիհարի, ապա կմահանա: Կնոջը նիհարել օգնել են վիրահատությունները, վերականգնողական պրոցեդուրաները և ֆիզիոթերապիան, ինչպես նաև սննդակարգի հսկայական փոփոխությունները: Այն բանից հետո, երբ Մայրայի քաշը 181 կգ-ով նվազել է, նրան սովորեցրել են նորմալ կյանք վարել, որից նա արդեն հետ էր վարժվել:
Չնայած դատարանը Մայրային զարմիկի սպանության մեջ անմեղ է ճանաչել, կինը խոստովանել է, որ չի կարողանում ինքն իրեն ներել կատարվածի համար: Այս մասին փոխանցում է Access Hollywood-ը:
