Հարավաֆրիկյան Հանրապետության թերթերը չեն ենթարկվել երկրի պետական անվտանգության նախարար Սիյաբոնգ Կվելեի պահանջին, որն արգելել էր հրապարակել երկրի նախագահ Ջեյքոբ Զումայի ոչ պաշտոնական նստավայրի լուսանկարները Կվազուլու-Նատալ նահանգի Նկանդելա բնակավայրում: Այս մասին հայտնում է ITAR-TASS-ը:
«Բելդ» թերթը իր առաջին էջում տեղադրել է նստավայրի լուսանկարը «Արգելված լուսանկար» խորագրով ու մեջբերել ապարտեիդի դեմ պայքարի մարտիկ Նելսոն Մանդելայի խոսքերը խոսքի ազատության պաշտպանության անհրաժեշտության մասին:
«Թայմը» ևս իր առաջին էջին տեղադրել է Նկանդելայի վերևից կատարված լուսանկարը՝ «Կալանավորեք մեզ հիմա» խորագրով:
Լուսանկարները տպագրել են նաև «Սթար», «Քեյփ արգուս», «Քեյփ թայմս» ու «Սոուետան» թերթերը:
Նկանդելայի նստավայրի թանկարժեք վերանորոգումը երկրում մեծ վրդովմունք է առաջացրել: Անվտանգության համակարգերի նորացման վրա ծախսվել է 206 մլն ռանդ (ավելի քան 20 մլն դոլար):
