Տարեց ճապոնացիները բանտում են հայտնվում հիմնականում միայնակության և աղքատության պատճառով՝ հայտնում է Bloomberg Businessweek-ը: Նրանց շրջանում ամենատարածված իրավախախտումը խանութներից գողությունն է:
Վիճակագրության համաձայն՝ Ճապոնիայում ազատազրկվածների քառորդ մասը 60-ից բարձր տարիքի է: Տարեցների ավելի քան 30 տոկոսը բանտում է հայտնվել գողության համար: Խանութներից մանր գողության համար դատապարտվածները 60 տարեկանից մեծ են:
Տոկիոյի իշխանությունների անցկացրած հետազոտության համաձայն՝ ճաղերի հետևում հայտնված տարեց ճապոնացիների ավելի քան կեսը միայնակ մարդիկ են, ովքեր ազատության մեջ ոչ ոք չունեն, որոնց կարող են դիմել օգնության անհրաժեշտության դեպքում: 1980-ից 2015-ի ժամանակաընթացքում Ճապոնիայում միայնակ բնակվող տարեցների թիվը ավելացել է գրեթե 6 անգամ՝ մինչև 6 մլն մարդ:
Եվս մեկ գործոն է աղքատությունը, ինչի համար ավագ սերունդը հայտնվում է բանտում: Վիճակագրության համաձայն՝ 65 տարեկանն անց ճապոնացի կանանց գրեթե կեսը խոցելի ֆինանսական վիճակում է (դրանց շարքում տղամարդիկ կազմում են 29%): Որոշ դեպքերում կալանավորվածները ավելի լավ պայմաններում են հայտնվում, քան ազատության մեջ:
