Որևէ մեկը չի պատրաստվում որևէ մեկի ձեռքը բռնել և որևէ բան թույլ չտալ. «Ելք» խմբակցության նիստից հետո լրագրողների հետ զրույցում նշեց «Ելք» դաշինքի անդամ «Լուսավոր Հայաստան» կուսակցության նախագահ Էդմոն Մարուքյանը՝ անդրադառնալով Սերժ Սարգսյանի վարչապետության դեմ պայքարի շուրջ «Ելք» դաշինքի որոշմանը:
«Այս պահին ընդհանուր երեք տարբերակների մեջ չկա ընդհանուր որոշում, որքանով գիտեմ` իրենք (նկատի ունի «Քաղաքացիական պայմանագիրը») նիստ ունեն, նիստի ժամանակ պետք է քննարկեն»,-ասաց Մարուքյանը՝ նկատի ունենալով Ազատության հրապարակում նախատեսված հանրահավաքի մասին հարցը:
Հարցին, թե այս որոշումը պառակտման առիթ կարո՞ղ է դառնալ, Էդմոն Մարուքյանը նշեց, որ պառակտման մասին հիմա որևէ խոսք չի գնում ընդհանրապես: «Խոսքը գնում է կուսակցություններին հնարավորություն տալու մասին, որ եթե կուսակցությունն ունի ինչ-որ գործողություն, որը ցանկանում է առանձին անել, այդ հնարավորությունը լինի:
