Այսօր Ֆրանսիայում և ամբողջ աշխարհում նշվում է «Բոժոլե նուվո» (Beaujolais nouveau) ավանդական տոնը՝ նվիրված Լիոնից հյուսիս ընկած փոքր գինեգործական տարածաշրջան Բոժոլեից ստացված երիտասարդ գինուն: Այս մասին հայտնում է RIA Novosti-ն:
Ֆրանսիայում տոնակատարությունների մեկնարկը տալիս են Բոժո քաղաքում, որտեղ անցկացվում է ավանդական կոստյումներով ու խաղողի վազի տեսքով ջահերով գինեգործների երթ: Ուղիղ կեսգիշերին գլխավոր հրապարակում երիտասարդ գինով լցված տակառները բացվում են, և սկսում է տոնի առիթով ուրախ հանդիսությունը:
Տոնն ամեն տարի նշվում է նոյեմբերի երրորդ հինգշաբթի օրը: Կանոնները պարզ են. երբ բարձրացվում են գավաթները, հնչում է «Բոժոլե նուվոն ժամանել է» արտահայտությունը (Le Beaujolais Nouveau est arrive): Գինու մեջ ամբողջացված է մրգային փունջ, այն համապատասխանում է տարբեր կերակրատեսակների՝ մսի, պանրի, ծովամթերքների հետ կիրառմանը: Օգտագործումից առաջ այն պետք է սառեցնել մինչև 11-13 աստիճան:
Մասնագետները նախազգուշացնում են՝ երիտասարդ գինի թեթև է խմվում, սակայն հետևանքները կարող են ծանր լինել:
