Պենտագոնի ղեկավար Ջեյմս Մեթիսը Թեհրանին մեղադրել է Իրաքի ընտրություններին միջամտելու փորձի մեջ, փոխանցում է ՌԻԱ Նովոստի-ն։
«Մենք մտահոգիչ տեղեկություններ ունենք, որ Իրանը, փողեր օգտագործելով, փորձում է միջամտել Իրաքի ընտրություններին։Այդ փողերն օգտագործվում են թեկնածուների և քվեարկողների վրա ազդելու համար»,-հայտարարել է ԱՄՆ պաշտպանության նախարարը։
Մեթիսը, ով լրատվամիջոցներին է դիմել Աֆղանստան չհայտարարված այցից հետո, նշել է նաև, որ զինծառայողների գնահատականներով՝ խորհրդարանական ընտրությունների նախօրեին Թեհրանի կողմից Իրաքին փոխանցված միջոցների ծավալը չի կարելի աննշան անվանել։
