Աֆղանստանից հազարավոր վարձկաններ ներկայումս կռվում են Սիրիայում՝ և՛ կառավարական զորքերի, և՛ ընդդիմադիր ուժերի կողմից: Այս մասին հայտնել է Աֆղանստանի հարցով Ռուսաստանի նախագահի հատուկ ներկայացուցիչ Զամիր Քաբուլովը՝ փոխանցում է RIA Novosti-ն:
Քաբուլովի խոսքով՝ աֆղան վարձկանները Սիրիայում մրցակցող տարածաշրջանային խաղացողների գործիքներից են:
Սիրիայում զինված հակամարտության մեկնարկից ի վեր կառավարական զորքերը դիմակայում են գրոհայինների բազմաթիվ ջոկատների, որոնցում գործում են օտարերկրացի վարձկաններ: «Ալ-Նուսրայի ճակատ» խմբավորումը համարվում է հակակառավարական զինված խմբավորումների շարքում առավել մարտունակը: Ավելի վաղ ռուսական հատուկծառայությունները հայտնել էին, որ Սիրիայում գործող շուրջ 20 հազար վարձկաններ ֆինանսավորվում են աֆղանական թմրաարտադրության հաշվին:
