«Հանուն Հայաստան պետության» ճակատի անդամ Ալեք Ենիգոմշյանը կարծում է, որ իրենց հարգող ընդդիմադիր քաղաքական ուժերը պետք է գլոբալ նպատակներ դնեն՝ ոչ միայն պայքարեն Սերժ Սարգսյանի վերարտադրությունը կանխելու համար, այլև ինքնիշխան հայկական պետականության վերստին ձևավորելու համար։
«Մենք չենք կարող միանգամից հասնել ինքնիշխանության, պետք է անցնել փուլերով, որոշակի խնդիրները լուծելով, այդ խնդիրներից մարտ-ապրիլ ամիսներին առանցքային խնդիրը այս համակարգի վերարտադրությունը հավերժացնելու փորձն է՝ հանձինս Սերժ Սարգսյանի վարչապետ դառնալու փորձերով»,- շեշտեց նա։
Ալեք Ենիգոմշյանի դիտարկմամբ՝ քաղաքացիները պետք է ինքնակազմակերպվեն, և դրա համար անհրաժեշտ է հավատը վերականգնել։
«Մենք համարում ենք՝ վերարտադրությունը, իշխանության հարատևումը կանխելը լուծվող խնդիր է, դա կարող է իսկապես լուծվել այս 1-1․5 ամսվա ընթացքում, բայց քանի որ գլոբալ ենք տեսնում խնդիրը, մենք պետք է աշխատենք ժողովրդի մոտ ինքնավստահությունը ավելացնելով ստեղծել այնպիսի վիճակ, որ ժողովրդի ինքնակազմակերպումը մի ամսվա խնդիր, կամ՝ մի քանի շաբաթվա խնդիր չլինի։ Ես հիմա պայմանական եմ խոսում, ես չեմ ասում՝ մի քանի ամսում խնդիրը լուծելու ենք, ես նման բան չեմ ասում, ես ասում եմ՝ անհնար չպետք է համարել»,- շեշտեց նա։
Ալեք Ենիգոմշյանը նկատեց, որ Սերժ Սարգսյանը այս համակարգի պարագլուխն է, անհրաժեշտ է նոր համակարգ ձևավորել՝ ազգային վստահության կառավարություն։
Ալեք Ենիգոմշյանը ընդգծեց, որ մարտի 10-ին հրավիրված «Հանուն Հայաստան պետության» ճակատի հանրահավաքին կմասնակցեն «Ժառանգություն» կուսակցությունը, մի շարք ազատամարտիկներ, Նիկոլ Փաշինյանը դեռ չի պատասխանել՝ մասնակցելո՞ւ է, թե՞ ոչ։
Մանրամասները՝ տեսանյութում։
