Ուզբեկստանում մի փաստաթուղթ է ստեղծվելու, որը կարգավորելու է հարսանեկան տոնակատարությունների անցկացումը: Դա ստեղծելու պատճառը երկրի նախագահ Շավարշ Միրզիոևի կողմից հնչած քննադատություն էր, ինչպես նշում է «Սպուտնիկ Ուզբեկստան»-ը:
Երկրի ղեկավարը իր դժգոհությունն է հայտնել հարսանիքների շքեղության, ինչպես նաև պետական ծառայողների այցելությունների հետ կապված: Փաստաթղթի մշակմամբ զբաղվում է երկրի խորհրդարանը:
«Հարսանեկան մեքենաների շքերթը, տեսա և լուսանկարահանումը, 500-600 հրավիրված հյուրերը. այս ամենը միասին հարսանեկան արարողությունը դարձնում են բավականին թանկ և հասանելի ոչ բոլորի համար:
Սակայն, մյուսներին նայելով, ոչ ոք չի ցանկանում հետ մնալ»,- նշել է Ուզբեկստանի մամուլի և տեղեկատվության ներկայացուցիչը:
Նա հավելել է, որմարդիկ պարտքերի տակ են ընկնում, վարկեր են վերցնում և նույնիսկ մեկնում են արտագնա աշխատանքի, որպեսզի ամուսնացնեն իրենց զավակներին: Նրա կարծիքով՝ հարսանիքների ժամանակ ևս մեկ ավելորդություն է այդքան մեծ քանակությամբ ալկոհոլի օգտագործումը:
«Եվ ի՞նչ օրինակ ենք մենք հանդիսանալու աճող սերնդի համար»,- վրդովված ավելացրել է նա:
Միևնույն ժամանակ նշվում է, որ փաստաթուղթը բնութագրող բնույթ է կրելու, և շքեղության ու ալկոհոլի օգտագործման վրա ամբողջական արգելքի մասին խոսք չի լինելու:
