ԱԺ-ում այսօր՝ մարտի 6-ին, հրավիրվել է արտահերթ նիստ՝ կառավարության նախաձեռնությամբ:
ԱԺ-ում քննարկվում է Պատվավոր կոչումների մասին օրենքում փոփոխությունների մասին օրինագիծը:
Ինչպես ներկայացրեց արդարադատության փոխնախարար Արթուր Հովհաննիսյանը, պարգևատրման համար պետական մարմինները առաջարկություններով դիմում են վարչապետին, իսկ միջնորդությունից հետո ՀՀ նախագահը սահմանված կարգով տալիս է համապատասխան պարգևները:
Նրա խոսքով՝ կոչումով պարգևատրում Սահմանադրությունը ՀՀ նախագահին թույլ չի տալիս: Միջնորդությունը անելու իրավունք ունեն օրենսդիր իշխանության ղեկավարը, պատգամավորները, դատական համակարգի ներկայացուցիչները:
«Ելք» խմբակցության ղեկավար Նիկոլ Փաշինյանը, դիմելով փոխնաախարարին, հարցրեց. «ՀՀ նախագահը ինքնուրույն, առանց միջնորդագրի պարգևատրում անելու իրավունք ունի՞, թե՞ ոչ»:
Փաշինյանի խոսքով՝ օրենքում ձևակերպումներն այնպես են շարադրված, որ ՀՀ նախագահը առանց վարչապետի միջնորդության պարգևատրում չի կարող անել:
Մանրամասները՝ տեսանյութում:
