Թերթի տեղեկություններով՝ Սյունիքի մարզում ընտրապայքարը թեժ է լինելու, քանի որ Սյունիքի մարզպետ Սուրիկ Խաչատրյանը՝ Լիսկան, պատրաստվում է գործադիրից անցնել օրենսդիր գործունեության, այն էլ Սերժ Սարգսյանի եղբայր Սաշիկ Սարգսյանի ընտրատարածքում, որտեղ նախորդ ընտրություններում եղել են մրցակիցներ։ Թերթը նշում է, որ հարազատ Հանրապետականում նրա կերպարը նույնպես անընդունելի է դարձել, և կարծիքներ կան, որ Լիսկան վարկաբեկում է Հանրապետականին, և ժամանակն է, որ վերջինս թողնի մարզպետի պաշտոնը:
«Երեկ մեզ հաջողվեց կապ հաստատել «Սյունյաց տիրակալի» հետ՝ ճշտելու իր խորհրդարանական ծրագրերի մասին: Մեր հարցին, թե առաջադրվելո՞ւ է առաջիկա ընտրություններին, մարզպետը հայրենի բարբառով վստահեցրեց. «Ես նման մտադրություն չունեմ»: Ինչ վերաբերում է Սաշիկ Սարգսյանի հետ մրցակցելուն, ավելացրեց. «Չէ, չէ, ինձ համար գործադիրն ավելի հետաքրքիր ա՝ էներգիա սպառելու համար լավ է, քան թե օրենսդիրը»։ Ստացվում է, որ մարզպետի գործունեությունը ոչ ավել, ոչ պակաս» ռելաքսի միջոց է Սուրիկ Խաչատրյանի համար»,- գրում է թերթը։
Թերթի հարցին, թե ավելորդ էներգիան սպառելու համա՞ր է մարզպետ աշխատում, Ս. Խաչատրյանն ասել է. «Աշխատելու, աշխատելու, պիտի աշխատես, որ էներգիա սպառես»։