ԱՄՆ-ը մշակում է լիբիական անվտանգության ուժերի և հատուկ ջոկատայինների նախապատրաստման ծրագիր: Այս մասին հայտնել է ԱՄՆ ԶՈւ հատուկ օպերացիաների հրամանատարության ղեկավար, ծովակալ Ուիլյամ Մաքրեյվենը՝ փոխանցում է ITAR-TASS-ը: Մաքրեյվենը գլխավորել է ամերիկյան հատուկ ջոկատային ուժերը 2011-ի օգոստոսին: Իսկ այս տարի ավելի վաղ՝ մայիսին, ղեկավարել Ուսամա բեն Լադենի ոչնչացման օպերացիան:
Նա նշել է, որ նախապատրաստությունը կվերաբերի 5-7 հազար թվաքանակով անվտանգության ուժերին: Մաքրեյվենը անհրաժեշտ է համարում նաև լիբիական հատուկ ջոկատային ուժերին նախապատրաստելու հարցում ԱՄՆ օգնությունը, որպեսզի նրանք կարողանան ինքնուրույն հակաաահաբեկչական օպերացիաներ անցկացնել:
Նա նշել է ռիսկի մասին, որը կապված է նախկին գրոհայինների՝ ձևավորվող ռազմական կառույցներ ներթափանցելու հնարավորության հետ: Այնուհանդերձ, դա միակ ճանապարհն է՝ օգնելու նրանց լուծել սեփական խնդիրները:
Ինչպես լրագրողներին հայտնել է Պենտագոնի անանուն ներկայացուցիչը, ԱՄՆ-ը ծրագրում է լիբիացի զինվորականներին մարզել Բուլղարիայում: