Դերասանուհի Ջենիֆեր Լոուրենսը լուսանկարվել է Madame Figaro ամսագրի դեկտեմբերյան համարի համար: Նա ներկայացել է Dior նորաձևության տան հագուստներով: Հասարակ ամերիկացի աղջիկը` «հարևան բակից», Dior-ի համար պրոմո-գովազդի ավարտից հետո շփվել է ֆրանսիացի գրող Մարք Լևիի հետ: Գրողը վստահ էր, որ Լոուրենսը կուշանա, սակայն նա ստուդիա է ժամանել ճիշտ ժամանակին: Ներկաները պատմել են, որ Լևին ենթադրում էր, թե նա հոգնած կլինի, սակայն Ջենիֆերը ծիծաղում էր և փայլում էր աշխուժությամբ:
Մտերմիկ զրույցից հետո Լևին եզրակացրել է, որ չնայած Լոուրենսն արդեն կինոաստղ է և օսկարակիր դերասանուհի, նա այնպիսին է, ինչպիսին որ կա:
«Այն պահից, երբ դարձա Dior-ի դեսպան, ես հայտարարեցի` ես դերասանուհի եմ, ոչ թե՝ մանեկենուհի: Հետո ես Փարիզ մեկնեցի և մասնակցեցի Ռաֆ Սիմոնսի դեֆիլեին: Ես այնքան հիացած էի նրա աշխատանքներով, որ հասկացա, թե որքան հիմար կլինեմ, եթե չդառնամ Dior ապրանքանիշի դեմքը: Այսպիսով, ես կկարողանամ առնչվել լեգենդի հետ: Էլեգանտությունն ինքնավստահություն է և ձեռքերի նուրբ մատներ: Նայեք` իմ մատները կարտոֆիլի են նման: Դե, երևի, դա նույնպես լավ է»,- ասել է դերասանուհին:
Բացի այդ, Լոուրենսը խոստովանել է, որ իր ճակատագիրը հիշեցնում է իր հերոսուհի Քիթնիսի կյանքի ուղին:
