Իտալիայում վաճառքի է հանվել առանձնատուն , որտեղ, ինչպես ենթադրվում է, 1479 թ-ին ծնվել է Լեոնարդո դա Վինչիի վրձնին պատկանող «Մոնա Լիզա » կտավի բնորդուհի Լիզա Գերարդինին: Այս մասին հայտնում է The Times-ը:
«Վինյամաջիո» առանձնատունը , որի գլխավոր շինությունը թվագրվում է 14-րդ դարին, Տոսկանայում զբաղեցնում է 65 հեկտար հողատարածք: Ներկայում դրա սեփականատերն է հանդիսանում Ջիանի Նունցիանտեն, ով փաստաբան է Հռոմում:
Նա պնդում է,որ հայտնի դիմանկարի համար ֆոն է հանդիսացել առանձնատանը կից հովիտը: Առանձնատան սեփականատերը մտադիր է 50 մլն եվրո ստանալ վաճառքից:
Հաղորդվում է, որ անշարժ գույքի օբյեկտով հետաքրքրված են հարավաֆրիկացի ալմաստի մի մագնատ և մի խումբ չինացի ներդրողներ:
Չկա միասնական կարծիք բնորդուհու ծննդավայրի մասին.որոշ տվյալներով՝նա ծնվել է Ֆլորենցիայի Վիա Մաջիո փողոցում:
