ԱԺ-ն այսօր՝ փետրվարի 25-ին, քննարկում է Պաշտոնական վիճակագրության մասին օրենքում փոփոխություններ անելու օրինագիծը:
«Ծառուկյան» խմբակցության պատգամավոր նաիրա Զոհրաբյանը հայտարարեց, որ փաստ է՝ մեր երկրում անվստահություն կա իշխանության հանդեպ. «Բայց մեր երկրում կան մի քանի կառույցներ, որոնց նկատմամբ կա տոտալ անվստահություն անգամ անսահմանություն: Դրանցից են ԿԸՀ-ն, ԱՎԾ-ն»:
Դիմելով ԱՎԾ նախագահ Մնացականյանին՝ Զոհրաբյանն ասաց. «Դուք փորձե՞լ եք հասկանալ, թե ինչո՞ւ հանրությունը ձեր ներկայացրած թվերին չի հավատում. ես հասկացել եմ՝ որովհետև այդ թվերը չեն համապատասխանում իրականությանը»:
Պատգամավորի խոսքով՝ երկրում աղքատությունը աճում է, ԱՎԾ տվյալներով՝ իջնում է. «Գնաճը՝ 2,6. ծիծաղելի է, պարոն Մնացականյան»:
«Օրենքի վրա գրեիք այս-այս փոփոխություն վիրտուալ Հայաստանի համար: Ձեր ներկայացրած թվերը վիրտուալ Հայաստանի համար են»,- հայտարարեց նա՝ հիշեցնելով, որ Հրանտ Բագրատյանն ԱԺ ամբիոնից առաջարկել էր նրան գնդակահարել:
Մանրամասները՝ տեսանյութում:
