Նոր, անկեղծ հարցազրույցում Աննա Սեմյոնովիչը մանրամասն պատմել է անձնականի մասին։ Երգչուհի, հեռուստահաղորդավար և գեղասահորդուհի Աննան ասել է, որ չի հասկանում, թե ինչու է ամբողջ երկրին հետաքրքրում իր անձնական կյանքը՝ ում հետ է ինքը քնում, հանգստանում և աշխատում, ինչու երեխա չի ունենում և այլն։ Աննայի խոսքերով՝ այնպիսի տպավորություն է, որ հասարակությունը միայն երազում է իրեն ամուսնացնելու մասին, ինչպես տարիքով մայրը՝ հասունացած աղջկան։ Սակայն XXI դարում կանացի երջանկությունը չի սահմանափակվում երեսնամյա ամուսնական կյանքով։ Սեմյոնովիչն ասել է, որ հարաբերությունների իր ձևաչափը շարքային մոնոգամիան է, այսինքն՝ մի զուգընկերը մի քանի տարվա համար, որին հետո փոխարինում է մեկ ուրիշը։
Բացի այդ Աննան մեկնաբանել է նաև իր հնարավոր մայրությունը։ Նա չի երազում երեխաների մասին, թե չէ վաղուց կունենար։ Սակայն՝ արդյո՞ք նրան պետք են երեխաներ հարցին, նա պատասխանել է, որ պլանավորում և մտածում է այդ մասին։ Երգչուհին նաև ասել է, որ չի բացառում փոխնակ մոր տարբերակը։ Նա պատրաստ է դիմել այդ քայլին առողջական խնդիրներ ունենալու դեպքում։
