Սան Ֆրանցիսկոյի հազարավոր բնակիչներ օգնել են 5-ամյա տղային, որը բուժվում է լեյկեմիայից, իրականացնել իր երազանքը և մեկ օրով դառնալ Բեթմեն՝ հայտնում է BBC-ի ռուսական ծառայությունը:
Մայլզ Սքոթը բուժվում է արդեն մի քանի տարի: Տղան Բեթմենի կոստյում հագած փրկում է մի կնոջ, ձերբակալում բանկը թալանած չար հերոսի, փրկում Սան Ֆրանցիսկոյի բեյսբոլի թիմի թալիսմանը:
Եվ վերջապես, Սան Ֆրանցիսկոյի քաղաքապետը Մայլզին է հանձնում քաղաքի բանալիները:
Քաղաքի հազարավոր բնակիչներ ողջունել են տղային իր արկածային ճանապարհորդության ժամանակ:
Մայլզը քաղաքով տեղաշարժվել է բեթմոբիլով ու ոստիկանների ուղեկցությամբ:
«Հենց այդպես, Մայլզ, փրկիր Գոթեմը»,- Սպիտակ տանից տեսաուղերձում ասել է ԱՄՆ նախագահ Բարաք Օբաման:
Միջոցառման կազմակերպիչն է Make-A-Wish հիմնադրամը:
