Փողերի փոշիացում պետգնումների ոլորտում: Խախտումների համար մեղավոր են միմյանց հետ պայմանավորվող տնտեսվարողները: Երեք ընկերություններ` Երեքնուկը, Ամարաս Յուսը և Սեար Գրուպը, պայմանավորվել են գների մասով և շուկան բաժանել են իրար միջև: Նրանք հաջորդաբար հաղթել են տարբեր մրցույթներում: Իսկ մանկապարտեզներն ու ծերանոցները սնունդը այդ տնտեսվարողներից գնել են մի քանի անգամ ավելի բարձր գնով: Սա այս ընկերությունների առաջին խախտումը չէ: Մրցակցային օրենսդրությունը խախտելու համար նրանք կարժանան 2 պատժի` տուգանք և պետական գնումներին մասնակցելու իրավունքից զրկում` ժամանակավոր:
Նախկինում այս ընկերությունները տուգանվել են 15 մլն դրամով: Այս անգամ Երեքնուկը, Ամարաս Յուսը, Սեար Գրուպը տոգանվեցին 45 մլն. դրամով: Այս ընկերությունների պայմանավորվածության արդյունքում, օրինակ կաղամբը, ապխտած միսը, թթվասերը, հավի միսը պետական հաստատություններին են մատակարարվել շուկայականից 150 տոկոսով բարձր գներով:
Պայմանավորվածությունները բացահայտ երևում են ընկերությունների առաջարկած գներն ուսումնասիրելով: Այսպես, Ամարասը մի մրցույթում հաղթել է, քանի որ խտացրած կաթի 1 տուփն առաջարկել է 450 դրամով, իսկ մյուսում պարտվել է ` նույն ապրանքը առաջակելով 1100 դրամով:
Բացի տուգանքից, այս երեք ընկերությունները մեկ տարի չեն մասնակցի պետգնումներին:
Ինչ վերաբերում է Microsoft-ի հայտին, ապա Հակամենաշնորհային հանձնաժողովը 10-ից ավելի համակարգչային տեխնիկայի խանութների արգելեց վաճառել Microsoft-ի արտադրանքը և բավարարվեց միայն զգուշացումով: Պարզվում է, այդ ընկերությունները սպառողներին առաջարկվում են համակարգչային ծրագրերի չարտոնագրված տարբերակներ: Այս հարցով նյութերը կուղարկվեն նաև Ոստիկանություն:
