«Հայաստանի փոխադրողների միություն»-ը սպառնում է: Ըստ միության նախագահի, եթե ուղեվարձի հարցը մնա սառած վիճակում և ուղևորափոխադրման ոլորտում այս վիճակը պահպանվի, ապա հասարակությունը կմնա առանց փոխադրամիջոցների:
Ըստ Հրանտ Եղիազարյանի ֆինանսական խնդիրների և սուղ եկամուտների պատճառով ուղևորափոխադրումներ իրականցնող ընկերությունները չեն հասցրել նախապատրաստվել ձմռանը, այնպես որ շատ հավանական է, որ ձյան տեղումներից հետո ուղևորափոխադրող ոչ մի ընկերություն չաշխատի:
Ուղևորափոխադրողները պահանջում են հստակ ժամկետ քաղաքապետարանից, որի ընթացքում տրանսպորտի ուղեվարձը կորոշվի:
Այժմ այդ հարցով ստեղծված հանձնաժողովի աշխատանքները շարունակվում են և դրանց ամփոփման վերջնաժամկետը չի նշվում: Նոյեմբերի 7-ին Հայաստանի ուղևորափոխադրող կազմակերպությունների ներկայացուցիչները բաց նամակ են հղել քաղաքապետարանին` պահանջելով արագացնել տրանսպորտի սակագնի բարձրացման հարցը քննող հանձնաժողովի աշխատանքները, քանի որ 100 դրամ ուղեվարձով նրանք այլևս աշխատել չեն կարող: Նրանք պահանջում են ուղեվարձը դարձնել 200 դրամ:
Ըստ նախնական հաշվարկների հենց 202 դրամ է կազմում ինքնարժեքը: Ուղևորափոխադրողները որպես լուծում առաջարկում են, որ ուղեվարձը դառնա 150 դրամ հասարակության համար, իսկ մնացած 50 դրամը վճարի կառավարությունը՝ սուբսիդավորմամբ:
Լուսանկարը՝ PanARMENIAN Photo-ի