Պաղեստինա-իսրայելական հակամարտությունն ամենախճճվածն է առկա միջազգային խնդիրներից: Այս մասին հայտարարել է ԱՄՆ նախագահ Դոնալդ Թրամփը փետրվարի 23-ին Ավստրալիայի վարչապետ Մալքոլմ Թերնբուլի հետ համատեղ մամլո ասուլիսի ժամանակ:
«Իսրայելի և պաղեստինցիների դեպքում մենք պետք է մշակենք ամենաբարդը բոլոր գործարքներից»,- ասել է Թրամփը:
Նա նշել է, որ նախկինի պես լիովին ճիշտ է համարում ԱՄՆ դեսպանատունը Երուսաղեմ տեղափոխելու իր որոշումը՝ չնայած շատ երկրների քննադատությանը: Նաև հույս է հայտնել, որ իր խորհրդական Ջարեդ Քուշներին կհաջողվի առաջ գնալ պաղեստինա-իսրայելական հակամարտության լուծման որոնումներում:
