Երևանի ընդհանուր իրավասության դատարանի Շենգավիթի նստավայրում այսօր՝ փետրվարի 23-ին շարունակվեց Ժիրայր Սեֆիլյանի եւ մյուսների գործով դատական նիստը:
Նշենք, որ այսօրվա նիստում ամբաստանյալների շահերի պաշտպանները հանդես էին գալիս պաշտպանական ճառերով:
Արդեն հայտնել ենք, որ Ժիրայր Սեֆիլյանի շահերի պաշտպան Տիգրան Եգորյանը նախագահող դատավորին ինքնաբացարկի միջնորդություն ներկայացրեց:
Ընդմիջումից հետո նախագահող դատավոր Տաթևիկ Գրիգորյանը մերժեց իրեն ներկայացված ինքնաբացարկի միջնորդությունը:
Սանկցիայի ենթարկված մի խումբ մարդիկ ամեն դեպքում նիստերի դահլիճ վերադարձան, դատավորը նորից սանկցիա կիրառեց: Իրավիճակը սրվում էր և դատավորը հավանաբար այդ մարդկանց նկատմամբ դահլիճում ուժ չգործադրելու համար, նիստը հետաձգեց: