Նյու Յորքի Սկենեքթադի քաղաքի Յունիոն քոլեջի գրադարանում Ջորջ Վաշինգտոնի մազափունջով ծրար է գտնվել։
Վերջերս արխիվագետ Դանիել Մայքելսոնը ուշադրություն է դարձրել գրադարանում պահվող 1973 թվականի հրատարակության ալմանախին։ Գրքի վրա գրություն է եղել. «Նվեր Ֆիլիպ Սքայլերին իր ընկեր Ֆիլիպ տեն Էյքից, Նյու Յորք, 20 ապրիլի, 1973թ.»։ Քանի որ Սքայլերների ընտանիքը անմիջական կապ ունի Յունիոն քոլեջի հիմնադրման հետ, և մեծ դեր է խաղացել ԱՄՆ վաղ պատմության շրջանում, գրադարանավար Ջոն Մայերսը որոշում է մանրամասն ուսումնասիրել գիրքը։ Առաջինը, ինչ նա այնտեղ հայտնաբերել է, բաղադրատոմս էր՝ «ինչպես տավարի միսը պահել ամռանը», որ գրված էր գրքի էջերի վրա Ֆիլիպ Սքայլերի կողմից։ Այնուհետև նա գտել է գրքի մեջ սոսնձված ծրար՝ մազափնջով։ Ծրարի վրա գրություն է եղել. «Վաշինգտոնի մազերը. Լ.Ս.Ս.& Ջ.Բ.Ս. Ջեյմս Համիլտոնից, որ նվիրել է իրեն իր մայրը»։
