Հայտնի ամերիկացի երգչուհի Լեդի Գագան անցած շաբաթ օրը հայտարարել է, որ Ռուսաստանը մտցնում է երկրների իր անձնական «սև ցուցակը»: Լեդի Գագան հայտնի է որպես նույնասեռականների իրավունքների մոլի պաշտպան:
Այսպես՝ շաբաթ օրը նա ասել է, որ այս որոշման պատճառն այն է, որ Ռուսաստանում բոլոր տեսակի սեռական փոքրամասնությունները ենթարկվում են հետապնդման և բռնությունների: Նրա «ցուցակում» են հայտնվել նաև Լեհաստանը, Լիտվան, Հունգարիան և Լիբանանը: Այս երկրները նա թվարկել է՝ ելույթ ունենալով նույնասեռականների շքերթի ժամանակ Հռոմում. «Ես կանգնած եմ ձեր առջև՝ որպես աշխարհի քաղաքացի, և խնդրում եմ բոլոր երկրների կառավարություններին մոտեցնել համընդհանուր հավասարության մեր բոլորիս երազանքը: Այսօր, երեկ և վաղը մենք պայքար ենք մղում ազատության և արդարության համար… ես գիտեմ, որ կան երկրներ և կառավարություններ, որոնք սահմանափակում են սեռական փոքրամասնությունների մասին տեղեկատվությունը: Դրա համար ես ուզում եմ, որպեսզի ձեր պատմությունները լսելի լինեն ամբողջ աշխարհին»,- ավելացրել է Լեդի Գագան:
Circo Massimo մարզադաշտում, որտեղ տեղի ունեցավ այս միջոցառումը Լեդի Գագան կատարել է «Ես այսպես եմ ծնվել» (Born This Way) երգն իր նոր ալբոմից: Էլթոն Ջոնն այն անվանել է նոր գեյ-հիմն:
