Ազգային ժողովի ՀՅԴ խմբակցության անդամ Արծվիկ Մինասյանը այսօր ԱԺ արտաքին հարաբերությունների և եվրաինտեգրման հարցերով հանձնաժողովի նախագահ Կորյուն Նահապետյանից հետաքրքրվեց՝ արդյոք հնարավո՞ր է կանանց նույնպես ներգրավել ՀՀ Զինված ուժերում, իհարկե, պարտադիր չէ՝ առաջին գծում: Պատգամավորը նաև փորձեց ճշտել՝ կարո՞ղ է նաև բանակ զորակոչեն սփյուռքահայերին։
Նահապետյանը նկատեց, որ գործող օրենքը հնարավորություն չի տալիս կանանց ու սփյուռքի մեր հայրենակիցների միջոցով համալրել բանակը, սակայն առաջիկայում խոստացավ անդրադառնալ նաև այդ՝ համալրման նոր միջոցների հարցին: Նա նշեց, որ տարբեր ձևաչափերով քննարկումներ եղել են, նաև խորհրդակցություն է անցկացվել, և հատկապես սփյուռքահայերի զորակոչի առումով կլինեն նոր մոտեցումներ։
Լուսանկարը` Photolure-ի
