ԱՄՆ-ը ծրագրում է մինչև շաբաթվա վերջ Ֆիլիպիններում «Հայան» ավերիչ թայֆունի հետևանքների վերացմանը մասնակցող զինծառայողների թիվը հասցնել ավելի քան 1000-ի: Այս մասին հայտնել են ամերիկյան վարչակազմի ներկայացուցիչները Ֆիլիպիններին մարդասիրական օգնության տրամադրման հարցերին նվիրված մամուլի հեռախոսային բրիֆինգի ժամանակ՝ փոխանցում է ITAR-TASS-ը:
«Ներկայում ՊՆ-ն մտադրություն ունի Օկինավայից ծովահետևակայիններ տեղափոխել (Ֆիլիպիններ), ինչի արդյունքում մինչև շաբաթվա վերջ մեր թվաքանակը, հավանաբար, կգերազանցի 1000-ը»,- ասել է ամերիկյան կառավարության ներկայացուցիչներից մեկը, ով հանդիսանում է Պենտագոնի աշխատակից:
Ներկայում Ֆիլիպիններում մարդասիրական օպերացիաներին մասնակցում է ԱՄՆ Ծովահետևակային կորպուսի ավելի քան 307 զինծառայող:
Օբամայի խոսքով՝ ԱՄՆ ռազմա-տրանսպորտային ավիացիան արդեն Ֆիլիպիններ է տեղափոխել սնունդ և առաջին անհրաժեշտության ապրանքներ, որոնք կբավականացնեն 10 հազար ընտանիքի: Ամերիկացի առաջնորդը նշել է, որ Ֆիլիպիններում վերականգնման աշխատանքների համար տարիներ կպահանջվեն:
