ԱՄՆ–ում մայրը «բուժել» է աղջկա աուտիզմը` սպիտակեցնող հեղուկով

Հրաշք բաղադրատոմսի մասին կինը կարդացել էր Facebook-ի թեմատիկ խմբերից մեկում։

Ամերիկուհին իր աուտիկ դստեր ըմպելիքների մեջ սպիտակեցնող հեղուկ էր ավելացնում, այդպիսով փորձելով բուժել նրա հիվանդությունը։ Ինչպես հաղորդում է Fox59-ը՝ այդ մասին պատահաբար իմացել է երեխայի հայրը և ոստիկանություն է կանչել։

Փորձարարին ձերբակալել են, իսկ աղջկան տարել է սոցիալական ծառայությունը։ Խնամակալության մարմինները նաև կզբաղվեն տեղի ունեցած հետաքննությամբ։

Նշենք, որ ԱՄՆ որոշ բնակիչներ այն սխալ համոզունքն ունեն, որ Miracle Mineral Solution կամ Master Mineral Solution անվան տակ վաճառվող սպիտակեցնող հեղուկը կարող է այնպիսի հիվանդություններ բուժել, ինչպիսիք են աուտիզմը, քաղցկեղը, հեպատիտն ու ՁԻԱՀ–ը։