Ազգային ժողովն այսօր՝ փետրվարի 16-ին, հրավիրել է արտահերթ նիստ «Ելք» և «Ծառուկյան» խմբակցությունների՝ Հարկային օրենսգրքում փոփոխություններ անելու նախաձեռնությամբ:
«Ելք» խմբակցության ղեկավար Նիկոլ Փաշինյանը հայտարարեց, որ հունվարի 1-ից ուժի մտած Հարկային օրենսգրքով ակցիզային հարկի բարձրացման հետևանքով լիցքավորման գազը, բենզինը, դիզվառելիքը թանկացան. «Բենզինի հսկա մասը, ընդ որում՝ մեկ տնտեսվարողի կողմից, ներկրվում է Ռուսաստանից»,- ասաց նա:
Նրա խոսքով՝ մինչև հունվարի 1-ի թանկացումները կապված են գնաճային սպասումների և քաղաքական որոշակի գործառույթների հետ: «Ժողովրդի լեզվով ասած՝ սա կապված է նաև ընտրակաշառքների հետհավաքման գործընթացի հետ»,- աաց նա՝ հավելելով, որ ունեցել ենք 2 խոշոր ընտրություն՝ խորհրդարանական և քաղաքապետի, որոնց ժամանակ ընտրակաշառքներ են բաժանվել:
Ինչպես նշեց Փաշինյանը՝ միջազգային շուկայում շաքարի գները էժանացել են 39,4 տոկոսով, իսկ ՀՀ-ում՝ 6,2 տոկոսով. «Հույս ունեմ, որ այս խնդրի կապակցությամբ ՀՀԿ պատգամավոր Սամվել Ալեքսանյանը ելույթ կունենա և կփարատի մեր բոլորի կասկածները, որ գործ ունենք ընտրակաշառքների հետհավաքման հետ»:
Մանրամասները՝ տեսանյութում:
