Այս պահին Երևանի քաղաքապետարանում ավագանու նիստը շարունակվում է: Օրակարգի 6-րդ հարցը բավականին բուռն արձագանքներ առաջացրեց, քանի որ առնչվում է Արամի և Նալբանդյան փողոցների հատվածում Արամ Մանուկյանի հուշարձանի տեղադրմանը համաձայնություն տալուն: Երևանի ավագանու «Ելք» խմբակցության անդամ Արայիկ Հարությունյանը, պատասխանելով այն մեղադրանքներին, թե իրավունք չուներ արձանի էսքիզը տարածել, ասաց, որ դա օրենքի պահանջն է եղել հանրությանը ներկայացնելը, որպեսզի կարծիք հայտնեն: Ապա ասաց, որ «Ելքը» դեմ է այդ նախագծին:
Արայիկ Հարությունյանը այսօր Երևանի ավագանու նիստին ելույթ ունենալով քաղաքային իշխանություններին կոչ արեց հուշարձան տեղադրելու փոխարեն Արամ Մանուկյանի տունը վերանորոգել, որն այսօր քանդված և ավերակ վիճակում է:
