Մոլդովայում ուժի մեջ է մտել օրենքը, որն արգելում է հեռուստաալիքներին ցուցադրել ռուսական նորություններ և տեղեկատվական-վերլուծական ծրագրեր։ Այս մասին հայտարարել է Մոլդովայի Հեռուստատեսության ու ռադիոյի համակարգման խորհրդի նախագահ Դրագոշ Վիկոլը, փոխանցում է Newsmaker.md-ն։
Կանցկացվի հեռուստաալիքների մոնիտորինգ՝ ստուգելու, թե պահպանվու՞մ է արդյոք օրենսդրությունը։
Ուղղումները խորհրդարանն ընդունել էր դեկտեմբերի 7-ին միանգամից 2 ընթերցումներով։ Համաձայն դեմոկրատների առաջարկած փոփոխությունների՝ նորությունները, որոնք հեռարձակում են մոլդովական հեռուստատեսային և ռադիոալիքները, կարող են արտադրված լինել միայն ԵՄ երկրներում, ԱՄՆ-ում, Կանադայում և երկրներում, որոնք վավերացրել են անդրսահմանային հեռուստատեսության վերաբերյալ կոնվենցիան։
