Հյուսիսային Իռլանդիայի արդարադատության նախարարությունը մտադիր է երեխաներին 12 տարեկանից սկսած թույլ տալ օգտվել հրազենից, որսորդական և պնևմատիկ զենքից՝ հաղորդում է The Belfast Telegraph-ը: Նշվում է, որ կրակելու ժամանակ երեխաները պետք է գտնվեն մեծահասակների խիստ վերահսկողության ներքո:
Միևնույն ժամանակ Հրաձգության և վայրի բնության պահպանության բրիտանական ասոցիացիայի հյուսիսիռլանդական ներկայացուցչությունը (British Association for Shooting and Conservation, BASC) պնդում է, որ նվազագույն տարիքը պետք է իջեցվի մինչև 10 տարեկան, այսինքն՝ մինչև քրեական պատասխանատվության տարիք: Նման կարծիքի է հակված նաև Հրաձիգների և զենք վաճառողների հյուսիսիռլանդական ասոցիացիան:
BASC հրաձգային ասոցիացիան խորհուրդ է տալիս թույլ տալ երեխաներին օգտվելու զենքից, սակայն մեծահասակների խիստ վերահսկողությամբ: BASC-ի կարծիքով՝ այս կերպ երեխաները փոքր տարիքից պատասխանատու վերաբերմունք կցուցաբերեն զենքի հանդեպ:
Տարիքային սահմանափակումները նվազեցնելու դեմ է Women’s Aid ֆեմինիստական բարեգործական կազմակերպությունը, որի կարծիքով՝ զենքի մասին օրենքները պետք է խստացնել:
