«Եթե մենք մի կողմից դառնանք սուպերվարչապետական, մյուս կողմից էլ՝ սուպերխորհրդարանական, ես այնքան էլ դեմ չեմ: Իսկ սուպերությունը ես գնահատում եմ աշխատանքի արդյունքներով, ոչ թե անվանումով: Դեռևս կյանքը պետք է ցույց տա, որ մենք հարթելու ենք այն արգելքները, որ այսօրվա նախագահական ինստիտուտի ուժեղ վարչական ազդեցությունը կարողանանք ապակենտրոնացնել և ունենանք ուժեղ խորհրդարանական երկիր», – «Առաջին լրատվական»-ի հետ զրույցում ասաց ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը:
Առաջիկա օրերին «Ծառուկյան» դաշինքը կհանդիպի Արմեն Սարգսյանին: Միքայել Մելքումյանի խոսքերով՝ «Ծառուկյան» դաշինքը ապագայի նկատմամբ ունի իր տեսլականը և հարցերը պետք է բխեն այդ տեսլականից:
«Ինքը իր գործողություններով կարողանալո՞ւ է, թեկուզ մասամբ, բավարարել մեր մոտեցումները, ի՞նչ տեմպով, ի՞նչ ժամանակագրությամբ: Այս բոլոր հարցերը քննարկելու ենք»,- նշեց նա:
Միքայել Մելքումյանը նշեց, որ Արմեն Սարգսյանի հետ հանդիպումից հետո խմբակցության և քաղխորհրդի նիստ ենք անելու, և հանդիպումից հետո դեռ որոշում չի լինելու:
Ամբողջությամբ՝ տեսանյութում: