Ֆրանսիայի արտգործնախարար Ժան-Իվ Լե Դրիանը հայտարարել է, որ սիրիական պետության տարածքում իրենց գործողություններով այնպիսի երկրները, ինչպիսիք են Թուրքիան և Իրանը, խախտում են միջազգային օրենսդրության պահանջները։
Բացի այդ, ինչպես հայտնում է Reuters-ը, ֆրանսիացի նախարարն ասել է, որ իր երկիրը հիմքեր ունի կարծելու, որ Սիրիայի կառավարությունը քաղաքացիական բնակչության դեմ կիրառում է թունավոր նյութեր։
Հարցին այն մասին, թե նա կցանկանա՞ր, որպեսզի թուրքական զորքերը դուրս բերվեին Սիրիայից, նախարարը պատասխանել է, որ ինքը կցանկանար այդ երկրի սահմաններից բոլոր նրանց դուրսբերում, ովքեր չպետք է գտնվել Սիրիայում, ներառյալ իրանական աշխարհազորն ու «Հըզբոլլահը»։ Ինչ վերաբերվում է Անկարային, ապա նախարարը համոզված է, որ այն պարզապես չպետք է խորացնի առկա կոնֆլիկտը։
