ՄԱԿ-ի ներկայացուցիչները հայտնել են ավերածությունների «աննախադեպ» մասշտաբների մասին, որոնք առաջացրել է «Հայան» թայֆունը Ֆիլիպիններում: Նրանք ընդգծել են, որ երկիրը միջազգային օգնության կարիք ունի: Այս մասին հայտնումէ BBC-ն:
Միայն Տակլոբան քաղաքում 10 հազար մարդ է զոհվել՝ հայտնել է ՄԱԿ-ը՝ հղում անելով տեղի իշխանություններին: Սպասվում է, որ մինչ օրս արտաքին աշխարհից կտրված շրջաններում զոհերի թիվն ավելին կլինի:
ԱՄՆ-ն հայտարարել է Ֆիլիպիններում փրկարարական գործողություններին աջակցելու համար ռազմական ավիակիր ուղարկելու մասին: Ռուսաստանն իր հերթին երկու Իլ-76 ինքնաթիռ կուղարկի ՝ աերոշարժական հիվանդանոցով, բժիշկներով, փրկարարներով ու հոգեբաններով:
Մարդասիրական օգնության մատակարարումների բաշխումը դժվարացնում է ճանապարհների մեծ մասի արգելափակված լինելը:
Արևադարձային թայֆունը, որն ամենահզորն է դիտարկումների ողջ ընթացքում, գետնին է հավասարեցրել ամբողջ բնակավայրեր: Ներկայում թայֆունը, որը զգալիորեն թուլացել է և վերածվել արևադարձային փոթորկի, հասել է Վիետնամ և հարավային Չինաստան:
