Ինչպես արդեն հայտնի է, ներման ակտի հետ կապված նախագահի լիազորությունները սահմանափակվում են: Ընդդիմությունը, հայտնելով իր մտահոգությունները, նկատեց, որ նախագահը ընդամենը պետք է ստորագրի վարչապետի կողմից շնորհված ներումը:
Այս առնչությամբ ՀՅԴ խմբակցության պատգամավոր Անդրանիկ Կարապետյանը «Առաջին լրատվական»-ի հետ զրույցում ասաց. «Օրենքը դեռ մշակման փուլում է, և դեռ շատ առաջարկություններ կինեն: Այս հարցին չեմ կարող միանշանակ պատասխանել, քանի որ դեռ կա նաև 2-րդ ընթերցում»:
Հարցին՝ սա էլ ավելի չի՞ նվազեցնում նախագահի դերակատարությունը, մեր զրուցակիցը պատասխանեց. «Իմ կարծիքով՝ ոչ, որովհետև մենք անցել ենք խորհրդարանական կառավարման երկրի, և նաև սահմանադրաիրավական կարգավորումների արդյունքում են նման կարգավորումները ծնվում: Այնպես որ, կարծում եմ՝ դա օրինաչափ է, և այդպես էլ պետք է լիներ»:
Անդրանիկ Կարապետյանի սուբյեկտիվ կարծիքով՝ Արմեն Սարգսյանը շատ լավ թեկնածու է, որպեսզի լինի 4-րդ հանրապետության նախագահ:
Ինչ վերաբերում է թանկացումներին, ապա ՀՅԴ խմբակցության պատգամավորը համարում է, որ այս հարցում շատ մեծ անելիք ունի ՏՄՊՊՀ-ն. «Որ կան խնդիրներ, որ կան չլուծված հարցեր՝ դա միանշանակ է: Ինչքան ուզում են թվեր ներկայացնեն, բայց հասարակության ամեն անդամ պիտի իր մաշկի վրա զգա սոցիալ-տնտեսական վիճակի բարելավումը»:
Մանրամասները՝ տեսանյութում:
