Հարավկորեական Samsung ընկերությունը արդեն 2015 թվականին պատրաստվում է թողարկել լիովին ճկուն սարքեր: Առկա են որոշակի տեխնոլոգիական խոչընդոտներ, որոնք ընկերության ինժեներները պետք է հաղթահարեն՝ նման սարքերի արդյունաբերական արտադրությունը հնարավոր դարձնելու համար: Այս մասին հայտնում է Vesti-ն:
Samsung-ի ներկայացուցիչների խոսքով՝ ճկուն սարքերի ստեղծումը մի քանի փուլով իրականացվելիք գործ է: Ամեն ինչ սկսվել է Galaxy Round-ի թողարկումից: Այն կոր դիսփլեյով առաջին սմարթֆոններից մեկն է:
Նշվում է, որ տեխնոլոգիական բոլոր խոչընդոտները կհաղթահարվեն երկու տարվա ընթացքում: Արդեն 2015-ի վերջին շուկայում կհայտնվեն ճկուն էկրանով սմարթֆոններ ու պլանշետներ: Բացի այդ, սարքերից շատերը կունենան HD 4K խտությամբ էկրաններ: 2014-ին կհայտնվեն բջջային սարքերի համար 2560×1440 պիքսել խտությամբ առաջին դիսփլեյները, իսկ 2015-ին՝ արդեն 4K էկրանները (3840×2160):