Նյու Յորքի ոստիկանությունը ձերբակալել է 16-ամյա դեռահասին, ում կասկածում են Բրայանթ պարկի սառցադաշտում տեղի ունեցած հրաձգության մեջ: Այս մասին գրում է Lenta.ru-ն:
Ոստիկանությունը որևէ տեղեկություն չի տարածել ձերբակալվածի ինքնության վերաբերյալ:
Դեպքը տեղի է ունեցել շաբաթ օրը: Իրավապահ մարմինների տվյալներով՝ հանցագործը գտնվել է սառցադաշտի սահմաններից դուրս: Հրաձգությունից առաջ դեռահասը սառցադաշտում գտնվող տղամարդկանցից մեկից պահանջել է իրեն տալ վերարկուն: Հետո նա մի քանի անգամ կրակել և փախել է դեպքի վայրից: Հրաձգության արդյունքում վիրավորվել է 2 մարդ՝ 20-ամյա Խավիեր Կոնտերասը, որի վերարկուն էր պահանջում դեռահասը, և 14-ամյա Ադոնիս Մերան:
