ԱՄՆ ռազմա–ծովային նավատորմի նախկին ադմիրալ Տրոյ Ամունդսոնը Սան–Դիեգոյի դաշնային դատարանում խոստովանել է, որ կաշառքներ է վերցրել։ Այս մասին հաղորդել է CNN հեռուստաընկերությունը։
Նա խոստովանել է, որ անվճար սնունդ է ստացել, խմիչք, ինչպես նաև նրա համար մարմնավաճառներով երեկոներ են կազմակերպել։ Դրա փոխարեն տղամարդը գաղտնի տեղեկություններ է փոխանցել մալայզիացի Լեոնարդո Գլեն Ֆրենսիսին, ում լրագրողները Գեր Լեոնարդ են կնքել։
Նաև հայտնի է դարձել, որ նախկին ծովակալը օգնել է Սինգապուրում գտնվող Glenn Defense Marine Asia կազմակերպությանը։
Նշվում է, որ 2005-2013 թվականների ընթացքում Ամունդսոնը եղել է ծովային ռազմական վարժանքների համակարգման պատասխանատուն, որին մասնակցել են ԱՄՆ–ն և այլ պետություններ։ Նախկին ծովակալը ամերիկյան ռազմա–ծովային ուժերում կաշառակերության գործով 29 մեղադրյալներից մեկն է հանդիսանում։ Եվս ինը հոգի հրաժարվում են ընդունել իրենց մեղքը։
Դատարանը իր վճիռը կայացնելու է ապրիլի 27-ին։ Անվճար սնունդի և ինտիմ ծառայությունների սիրահարին մինչև հինգ տարի ազատազրկում է սպառնում և 250 հազար դոլար տուգանք։
