Հայտնի հոլիվուդյան դերասան Ջիմ Քերին արդարացվել է նախկին ընկերուհու՝ Կատրիոնա Ուայթի ինքնասպանությանը մասնակցություն ունենալու գործով։ Ողբերգական դեպքը տեղի է ունեցել 2015 թվականին։ Կատակերգու դեմ բոլոր հայցերը մերժվել են առանց պարզաբանման, հայտնում է The Hollywood Reporter-ը։
Ջիմ Քերիի նախկին ընկերուհուն մահացած էին գտել 2015-ի սեպտեմբերին, Լոս Անջելեսի իր տանը։ Բժիշկների եզրակացությունների համաձայն՝ Կատրիոնան մահացել է հոգեմետ դեղամիջոցների գերդոզավորումից, որոնք ընդունել է դերասանի հետ հարաբերությունները խզելուց ժամեր անց։
Ավելի ուշ Կատրիոնայի պլանշետում գտնվել էին հաղորդագրություններ՝ հասցեագրված Ջիմին։ Դրանցում խոսքը եղել է այն մասին, որ Ջիմ Քերիի հետ սիրավեպն ակնհայտորեն չի եղել նրա կյանքի ամենաերջանիկ շրջանը։ Նա բացահայտորեն մեղադրել է դերասանին նրանում, որ նա իր կյանքը վերածել է ամենաթողության՝ սեքսով և թմանյութերով, վարակել իրեն հերպեսով և տարել ուժեղ ներգործող նյութերի օգտագործման։
Քերին կտրականապես հերքել է նախկին ընկերուհու մահվանը մասնակցություն ունենալու մեղադրանքները, որոնք առաջադրել էին նրա բարեկամները։
