«Սերժ Սարգսյանը չէր խոսում որպես հրաժեշտ տվող պաշտոնյա, այլ որպես պաշտոնյա, որը, այնուամենայնիվ, շարունակելու է Հայաստանում իշխանական դիրքերում գտնվել և անգամ խոսում էր իր ապագա պլանների և զարգացման հեռանկարների մասին, որը հիմք է տալիս կարծելու, որ նա ամրացնում է իր դիրքերը հետագա պաշտոնավարման համար»,- «Առաջին լրատվական»-ի հետ զրույցում նկատեց իրավապաշտպան Զարուհի Հովհաննիսյանը՝ անդրադառնալով հունվարի 24-ին ԵԽԽՎ-ում Սերժ Սարգսյանի ելույթին, որի ընթացքում նախագահն ի թիվս այլ հարցերի խոսեց նաև ապրիլից հետո բարեփոխումների նոր փուլ սկսելու մասին։
Սա ըստ Զարուհի Հովհաննիսյանի՝ վկայում է այն մասին, որ Սերժ Սարգսյանը խոսում էր այն դիրքից, որ արդեն իսկ որոշումը կայացված է, թե ով է ապրիլից հետո լինելու ՀՀ վարչապետը։
«Դա, իհարկե, ներքին լսարանի համար բավականին տարօրինակ է, քանի որ դեռևս չկա որևէ հայտարարություն իշխող ՀՀԿ-ի կողմից, թե ով է պաշտոնավարելու վարչապետի պաշտոնում, բայց միջազգային հանրության առջև, միջազգային դիրքերում Սերժ Սարգսյանն արդեն իսկ հանդես է գալիս որպես կայուն քաղաքական մեծամասնության կրողը, իրավահաջորդն ու շարունակողը․ հիմա սա ևս ինչ-որ տեղ ներքին սպառման համար բավական լուրջ ընդվզման և դիմադրության աղբյուր է, սակայն արտաքին հարաբերություններում դա կայունության երաշխքիներ է տալիս այն գործընկերների համար, որոնք խաղում են Հայաստանի հետ որոշակի դիրքերում»,- հավելեց մեր զրուցակիցը։
Մանրամասները՝ տեսանյութում։
