Իտալիայի ֆերմերներից մեկը լրջորեն հիվանդանալով՝ երկար ժամանակ արյուն է փսխել, նիհարել մոտ 35 կգ-ով:
Տղամարդը, ում անունը չի հրապարակվում, ենթադրել է, որ իր դիմադրողականությունն է ընկել երկար տարիներ ծխելու հետևանքով:
Պարզվել է, որ հիվանդի թոքերն իրականում կարգին վիճակում չեն: Դրանցում աճել են սնկեր, հայտնում է Life Science-ը:
Բժիշկները երկար ժամանակ չեն կարողացել հասկանալ, թե ինչ է տեղի ունենում 42-ամյա տղամարդու հետ: Ի վերջո, հերթական ստուգումից հետո նրա թոքում իսկական սնկեր են հայտնաբերվել. որոշ սնկեր ունեցել են մինչև 8 սմ երկարություն:
Բժիշկների խոսքով՝ տղամարդը ասպերգիլ սնկային վարակ կարող էր տեղափոխել թոքեր դաշտում աշխատելիս: Սպորները ներթափանցել էին նրա շնչառական ուղիներ, ապա բարենպաստ միջավայրի հանդիպելով՝ սկսել էին բազմանալ:
16 շաբաթ բուժումից հետո բժիշկները հանգել են այն եզրակացության, որ հիվանդը միանգամայն առողջ է, և նրա կյանքին ոչինչ չի սպառնում:
