Ֆիլիպինների քաղավիացիայի վարչությունը այսօր հայտարարել է մինչև շաբաթ օրը Բիկոլ և Վիսայի կենտրոնական շրջաններում բոլոր օդանավակայանների փակման մասին՝ կապված 24-րդ ու ամենահզոր «Իոլանդա» սուպերթայֆունի հետ: Այս մասին հայտնում է GMA News ինտերնետ-պորտալը:
5-րդ կատեգորիայի փոթորիկը (ամենաբարձր), որը, ըստ ամերիկացի հիդրոօթերևութաբանների, Երկրին հասնելուն պես իր հետ բերել է 315-379 կմ/ժ արագությամբ քամիներ, բարձրացրել է մինչև 6 մետրանոց ալիքներ, որոնք պատուհասել են Սամար ու Լեյտե կղզիները:
Այս պահի դրությամբ մի շարք շրջաններում խափանվել է էլեկտրամատակարարումը, իսկ Սեբու կղզու հյուսիսային հատվածում էլեկտրականությունը ամբողջությամբ անջատվել է: Ներկայումս շուրջ 1 միլիոն ֆիլիպինցի արդեն թաքնվել է նախապես պատրաստված ապաստարաններում:
