ԽՍՀՄ ժողովրդական արտիստ Արմեն Ջիգարխանյանը սարսափահար է եղել, երբ իմացել է, որ ինքն իրավաբանորեն դեռևս հանդիսանում է 39-ամյա Վիտալինա Ցիմբալյուկ-Ռոմանովսկայայի ամուսինը։ Ամանորից առաջ Վիտալինայի փաստաբանն առաջին ատյանի դատարանի որոշման դեմ վերաքննիչ բողոք էր ներկայացրել։ Ինչպես հայտնի է, նոյեմբերի 27-ին հաշտարար դատարանը որոշում էր ընդունել ամուսնալուծության վերաբերյալ։
«Արմեն Բորիսովիչը շատ վրդովված է դատարանի այդ որոշման բողոքարկման պատճառով»,-ասել է դերասանի փաստաբան Եվգենի Պարֆյոնովը։ «Նա պետք է կարգավորի իր ունեցվածքային հարցերը, սակայն քանի դեռ ամուսնության մեջ է, նա դա անել չի կարող»։
Փաստաբանի խոսքով՝ նիստը Կունցևի շրջանային դատարանում նշանակված է հունվարի 31-ին։ «Ես չեմ տեսնում իրավական հիմքեր՝ սկզբնական որոշման չեղարկման համար»,-ասել է փաստաբանը՝ ենթադրություն արտահայտելով, որ Վիտալինան և իր փաստաբանը կարող են փորձել ձգձգել գործընթացը։
Փաստաբանը նշել է, որ Արմեն Բորիսովիչը տրամադրված է միայն ամուսնալուծության։ Նա կտրականապես դեմ է որևէ պայմանավորվածության։ Նշվում է, որ Վիտալինայի դեմ ՌԴ ՔՕ 159-րդ հոդվածով (խարդախություն) գործ է պատրաստվում։
