Մադրիդում 3-րդ օրն է, ինչ շարունակվում է աղբահավաքների ու զբոսայգիների տնտեսությունների աշխատակիցների գործադուլը: Քաղաքի փողոցներում, հատկապես պատմական կենտրոնում հավաքվել են աղբակույտեր, ինչը հարուցում է քաղաքի բնակիչների և հյուրերի բողոքը, հայտնում է ITAR-TASS-ը:
Գործադուլի կազմակերպիչ արհմիությունները հայտարարել են, որ գործադուլը կրում է անժամկետ բնույթ:
Գիշերային ժամերին անհայտ անձինք շրջում են աղբի արկղերով ու աղբը շաղ տալիս փողոցներով: Իշխանությունները կասկածում են, որ դա անում են անձամբ գործադուլավորները, որպեսզի ուշադրություն հրավիրեն իրենց պահանջների վրա:
