Իսրայելի իշխանությունները հայտարարել են, որ գործողություններ չեն ձեռնարկել պաղեստինցի հանգուցյալ առաջնորդ Յասիր Արաֆաթին թունավորելու համար՝ հաղորդում է Reuters գործակալությունը:
Այս կերպ է Իսրայելն արձագանքել այն հաղորդագրություններին, թե շվեյցարացի փորձագետների հետազոտությունների արդյունքներով՝ Արաֆաթը մահացել է պոլոնիումից թունավորվելու հետևանքով:
«Մենք նրան ֆիզիկապես ոչնչացնելու որոշում երբենք չենք կայացրել»,- ասել է Իսրայելի էներգետիկայի նախարար Սիլվան Շալոմը:
Նրա խոսքերով՝ եթե Արաֆաթին իրականում թունավորել են, ապա Իսրայելը դրա հետ որևէ առնչություն չունի: Նախարարը նշել է, որ հավանական է՝ Արաֆաթի շրջապատից ինչ-որ մեկն է նման բան անելու մտադրություն կամ շահ ունեցել:
Պաղեստինի իշխանություններն արդեն հայտարարել են, որ անկապ փորձագետների աշխատանքի ավարտից հետո որոշում կկայացնեն Արաֆաթի մահվան պատճառները պարզելու նպատակով միջազգային հետաքննություն անցկացնելու մասին:
