«Մենք կարծում ենք՝ մեր թեկնածուն ավելի շահեկան դիրքում է հիմա: Եվ եթե այդպես չլիներ, հանրապետականները կարող էին հենց իրենց միջից 18 ստորագրություն դնել համապատասխան փաստաթղթի վրա, և մենք կկարողանայինք առաջադրել Արտակ Զեյնալյանին: Եվ սա կլիներ ճիշտ քայլ, քանի որ առնվազն կլիներ բանավեճ, երկխոսություն»,- «Առաջին լրատվական»-ի հետ զրույցում ասաց «Ելք» խմբակցության քարտուղար Գևորգ Գորգիսյանը՝ անդրադառնալով ՀՀԿ-ի՝ նախագահի թեկնածուի առաջադրմանը:
Գևորգ Գորգիսյանի խոսքերով՝ քաղաքական դաշտին տիրապետելու, քաղաքական դաշտն ավելի ճիշտ պատկերացնելու առումով Արտակ Զեյնալյանը շատ ավելի լավ փորձ ունի։ «Հենց իր հասարակական գործունեությամբ էլ պարոն Զեյնալյանը շատ ու շատ առիթներով ցույց է տվել, որ ոչ միայն տիրապետում է Հայաստանի իրողություններին, այլև պատրաստ է ինչ-որ բան անել դրանք դեպի դրական փոփոխությունների տանելու»,- հավելեց Գևորգ Գորգիսյանը:
Պատգամավորը նշեց, որ առնվազն այն հանգամանքը, որ կա մեկ թեկնածու, սա արդեն ժողովրդավարությանը դեմ է, սա անընդունելի իրերի դասավորություն է, և այսպես չպետք է լիներ:
Հարցազրույցն ամբողջությամբ՝ տեսանյութում:
