Ջեյն Օսթինի գրքերը կվերածվեն օնլայն խաղի: Նախագիծը, որը կրում է Ever, Jane անվանումը, ներկայացվել է Kickstarter կայքում:
Ինչպես պատմել է 3 turn Productions-ի ստուդիայի ղեկավար Ջուդի Թայրերը, Ever, Jane խաղի հիմքը կլինեն խաղացողների միջև սոցիալական փոխհարաբերությունները:
Խաղի իրադարձությունները տեղի են ունենալու 19-րդ դարի սկզբին: Հերոսներն զբաղվելու են Օսթինի կերպարներին բնորոշ գործունեությամբ, օրինակ՝ հաճախել պարահանդեսների: Ընդ որում՝ ավանդական մարտեր խաղում չեն լինի՝ մրցակիցների դեմ պայքարի նպատակով հարկավոր կլինի լուրեր տարածել նրանց մասին, որոնք կնվազեցնեն նրանց սոցիալական կարգավիճակը:
Կերպար ստեղծելու համար խաղացողը պետք է հավասարակշռություն ապահովի այնպիսի պարամետրերի միջև, ինչպիսիք են պարտքը, բարությունը, երջանկությունը, կարգավիճակը և վարկը, ինչը նույնպես կազդի մյուս հերոսների հետ փոխհարաբերությունների վրա:
Բացի պարահանդեսների ց ու բամբասանքներից՝ խաղի ստեղծողները ցանկանում են Ever, Jane-ում ավելացնել մինի խաղեր, որոնք նույնպես կապված են Օսթինի հերոսների զբաղմունքների հետ:
Թայրերի խոսքով՝ խաղը մշակման փուլում է արդեն մեկուկես տարի:
Որպեսզի ավարտեն աշխատանքները, 3 turn Productions-ը գեյմերներից խնդրել է 100 հազար դոլար:
Միջոցների հավաքագրումը կավարտվի մինչև դեկտեմբերի 2-ը: Եթե նախագիծը ֆինանսավորվի, այն հասանելի կլինի 2016-ի սկզբին:
