Սիրիական Աֆրին քաղաքի տարածքից, որը գտնվում է քրդերի վերահսկողության տակ, հրթիռակոծվել են թուրքական երկու քաղաքներ՝ Ռեյհանլըն և Քիլիսը։ Դա կարելի է պատասխան համարել սիրիացի քրդերի դեմ Էրդողանի հայտարարած ռազմական արշավին։
Ռեյհանլըի ուղղությամբ արձակվել է 11 հրթիռ, որից 9-ը պայթել են քաղաքի մեջ, ինչի հետևանքով զոհվել է 1, վիրավորվել՝ 46 մարդ։ Քիլիսում 4 հրթիռ է պայթել, վիրավորվել է 7 մարդ։
Թուրքիան սիրիական Աֆրինում գործողությունը սկսել է հունվարի 20-ին, հետագայում ծրագրվում է գործողություն Մանբիջում։
Թուրքիայի իշխանություններն այնքան են վախենում Սիրիայի հյուսիսում Իրաքան Քրդստանի օրինակով ինքնավարության ստեղծումից, որ պատրաստ են անմիջական առճակատման գնալ Վաշինգտոնի հետ, որը բացահայտ կոչ էր արել չկռվել քրդերի դեմ։
