Աշխարհի տարբեր երկրների կառավարություններ որոշել են ունենալ սեփական կրիպտոարժույթը: Այդ ուղղությամբ աշխատանքներ են տանում Իսրայելը, Ռուսաստանը, Վենեսուելան, Վրաստանն ու անգամ Բելառուսը։
Հայաստանի իշխանություններն էլ են հետաքրքրված կրիպտոարժույթով, համենայնդեպս, օրենսդիր իշխանության մակարդակով, որին, սակայն, դեմ են արտահայտվում Կենտրոնական բանկի ներկայացուցիչները։
Թե ինչ է իրենից ներկայացնում կրիպտոարժույթը և ինչ ռիսկեր է այն իր մեջ պարունակում «Առաջին լրատվական»-ի հետ զրույցում Երևանի Ֆրանսիական համալսարանի կառավարման ֆակուլտետի 3-րդ կուրսի ուսանող, ֆինանսական շուկաների ապագա մասնագետ Նարեկ Զաքարյանը մանրամասնեց․
«Բիթքոյինը դրամական փոխանցումների համակարգ է, որը հիմնված է ապակենտրոնացված տեխնոլոգիայի հիման վրա․ սովորական դրամական փոխանցումները տեղի են ունենում բանկի միջնորդությամբ, իսկ ապակենտրոնացման դեպքում նշանակում է, որը բանկն որպես միջնորդ վերանում է և այդ գործարքը կայանում է երկու կողմերի մեջ, որը գրանցվում է բլոկչեյն կոչվող համակարգի մեջ, ինչն էլ իր հերթին իրենից ներկայացնում է մի քանի միլիոն համակարգիչ միաժամանակ։
Եթե բիթքոյինը որպես ֆինանսական գործիք դիտարկենք, ապա այն չունի ֆինանսական հիմք, այսինքն սա արժեք չարտադրող ակտիվ է․ բիթքոյինն արժևորվում է հիմնված զուտ այն հանգամանքի վրա, որ մարդիկ հավատում են, թե բիթքոյինը պիտի արժևորվի, այսինքն սպեկուլյատիվ հավատի վրա է հիմնվում, իսկ այսպիսի համակարգը մեծ վտանգ է իրենից ենթադրում, քանի որ չկա հիմք, թե ինչու պետք է բիթքոյինի արժեքը բարձրանա»։
Մանրամասները՝ տեսանյութում։
