2016 թվականին Մրայա Քերին անցկացրել է համաշխարհային համերգային շրջագայություն (իր կարիերայում՝ 9-րդը)՝ Sweet Sweet Fantasy անվանումով: Այն սկսվել է 2016-ի մարտին և ավարտվել նույն թվականի նոյեմբերին: Ավարտից քիչ առաջ երգչուհին պետք է տար երկու համերգ Հարավային Ամերիկայում, մեկը՝ Արգենտինայում, մյուսը՝ Չիլիում: Սակայն դրանք չեն կայացել:
Այժմ պարզվում է, որ Հարավային Ամերիկայում նրա շոուն կազմակերպող Մրայա Քերիի ընկերությունը և պրոմոութերների ընկերությունը համերգների վիժեցման համար մեղադրում են մեկմեկու: Երգչուհու ներկայացուցիչները դատի են տվել պրոմոութերներին՝ հայտարարելով, որ նրանք չեն վճարել շոուի համար և վնաս են հասցրել նրա բրենդին:
Սակայն պրոմոութերները այլ կերպ են մտածում: TMZ-ի լրագրողների ձեռքին հայտնված նոր փաստաթղթի համաձայն՝ նրանք Մրայային փոխանցել են 75% կանխավճար այն բանից, ինչը նա պետք է վաստակեր: Հոնորարի գումարը կազմել է 703.100 դոլար: Հակընդդեմ հայցում հաստատվում է, որ դա ստանդարտ տոկոս է, որը Քերիի հետ նախկինում աշխատել են պրոմոութերները:
Պրոմոութերներից մեկը՝ Ֆենիքս անունով, պնդում է, որ երգչուհու համերգների չեղարկման իրական պատճառը Բրազիլիայում նախորդ երեք շոուներին տոմսերի քիչ վաճառքն էր: Սակայն նա որոշել է չհրապարակել դա և իր թվիթներով «նվաստացրել է» կազմակերպիչներին՝ ասելով, թե իր երկրպագուները
(որոնք Twitter-ում 17 մլն են) «արժանի են ավելի լավի, քան նրան, ինչպես նրանց վերաբերվում են պրոմոութերները»:
