Բորսայում բաժնետոմսերի հրապարակային բաշխման ժամանակ (IPO) Twitter ընկերության մեկ բաժնետոմսը գնահատվել է 26 դոլար՝ ավելի բարձր, քան նախկինում սահմանված գնային միջակայքը (23-25 դոլար): Այս մասին ընկերությունը հայտնել է Twitter-ի իր պաշտոնական բլոգում՝ փոխանցում է RIA Novosti-ն:
Շրջանառության մեջ է դրվել 70 մլն բաժնետոմս կամ ընկերության մոտ 13 տոկոսը: Գործարքի արդյունքում ընկերությունը 1.82 մլրդ դոլար է ստացել, իսկ ընկերության կապիտալիզացիան գնահատվել է մոտ 14.2 մլրդ դոլար:
70 մլն բաժնետոմսով IPO-ի ծավալը իր մեջ չի ներառում 10.5 մլն արժեթղթերը, որոնք հավելյալ կարող են վաճառել IPO-ի կազմակերպիչ բանկերը՝ Goldman Sachs-ի գլխավորությամբ: Դրա հաշվարկով՝ IPO-ն կազմում է մոտ 2.09 մլրդ դոլար:
